-
-
-
-
काठमाडौं । कतारमा जारी विश्वकप फुटबल अन्तर्गत आज चार खेल हुँदैछन् । आज समूह सी र समूह डी का दुई दुई खेलहरु हुन लागेका हुन् ।
पहिलो खेलमा समूह सी मा रहेको अर्जेन्टिनाले साउदी अरेबियासँग प्रतिस्पर्धा गर्दैछ । यो खेल दिउँसो ३ः४५ बजे शुरु हुँदैछ ।
दोस्रो खेलमा डेनमार्क र ट्युनिसिया खेल्दैछन् । समूह डी को यो भिडन्त साँझ ६ः४५ बजे शुरु हुनेछ ।
विश्वकप अन्तर्गत नै तेस्रो खेलमा पोल्याण्ड र मेक्सिकोबीच प्रतिस्पर्धा हुनेछ । पोल्याण्ड र मेक्सिकोबीचको खेल राति ९ः४५ बजे शुरु हुनेछ ।
त्यस्तै चौथो खेलमा साविक विजेता फ्रान्सले अष्ट्रेलियासँग खेल्नेछ । यो खेल राति १२ः४५ बजे शुरु हुनेछ ।
