अर्जेन्टिनालाई पहिलो खेलमै झड्का, मेस्सीको गोल खेर

हाम्रा कुरा

प्रकाशित २०७९ मंसिर ६ मंगलबार

काठमाडौं । कतार विश्वकपमा अर्जेन्टिनाले खराब शुरुआत गरेको छ । अर्जेन्टिना पहिलो खेलमै साउदी अरेबियासँग पराजित भएको छ ।

अर्जेन्टिना २–१ ले पराजित भएको हो । प्रारम्भिक अग्रता लिएको भए पनि अर्जेन्टिनाले हार बेहोर्यो । खेलको १० मिनेटमै गोल गर्दै लियोनल मेसीले गोलको खाता खोले । मेस्सीले अन्तिम पटक विश्वकप खेलिरहँदा उनको प्रदर्शनको सबैलाई चासो रहेको छ । मेस्सीले पेनाल्टीमार्फत गोल गरेका हुन् ।

मध्यान्तरसम्म १–० ले अग्रता लिएको अर्जेन्टिनाले मध्यान्तरपछि दुई गोल खायो । ४९ औं मिनेटमा सालेह अल–शेहरी र ५३ औं मिनेटमा सलिम अल दसारीले गोल गरे ।