-
-
-
-
काठमाडौं । कतारमा जारी विश्वकप फुटबलमा डेनमार्क र ट्युनिसियाले अंक बाँडेका छन् । दोहाको एजुकेसन सिटी स्टेडियममा मंगलबार राति भएको खेलमा डेनमार्क र ट्युनिसियाले गोलरहित बराबरी खेल्दै अंक बाँडेका हुन् ।
प्रतिस्पर्धात्मक खेलमा दुवै टोलीले पाएको अवसरलाई सदुपयोग गर्न सकेनन् । जसको कारण पहिलो खेलमा दुवै टोलीले अंक बाँड्नु परेको हो ।
यो खेलपछि समूह डी को खेलमा दुवै टिमले एक एक अंक जोडेका छन् । यो समूहमा साविक विजेता फ्रान्स र अष्ट्रेलिया पनि रहेका छन् ।
