कतार विश्वकपमा इरानको सनसनीपूर्ण प्रदर्शन, इन्जुरी समयमा दुई गोल गर्दै हरायो वेल्सलाई

हाम्रा कुरा

प्रकाशित २०७९ मंसिर ९ शुक्रबार

काठमाडौं । कतारमा जारी विश्वकप फुटबलमा इरानले सनसनीपूर्ण प्रदर्शन गरेको छ । इरानले वेल्सलाई इन्जुरी समयको अन्तिम तीन मिनेटमा दुई गोल गर्दै हराएको हो ।

इरानलाई सनसनीपूर्ण जित दिलाउने क्रममा रोजबेथ चेश्मी र रमिन रेजाएनले एक एक गोल गरे । १२ मिनेटको इन्जुरी समय थपिएको थियो ।

यसअघि खेलको ८७ औं मिनेटमा वेल्सका गोलकिपर वाइने हेनेस्सीले रातो कार्ड खाएका थिए । सोसँगै अन्तिम समयमा वेल्स कमजोर देखिएको थियो ।

खेलमा वेल्सले ५६ तथा इरानले ४४ प्रतिशत बल आफ्नो नियन्त्रणमा लिएको थियो । त्यस्तै गोलका लागि वेल्सले ३ वटा असफल प्रहार गरेको थियो । इरानले ६ वटा प्रहार गरेकामा दुई गोल सम्भव भएको थियो ।

यसअघिको पहिलो खेलमा इरान इङ्गल्याण्डसँग ६–२ ले पराजित भएको थियो भने वेल्सले अमेरिकासँग १–१ को बराबरी खेलेको थियो ।

आजै राति १२ः४५ बजे इङ्गल्याण्डले अमेरिकासँग खेल्नेछ ।