काठमाडौं । सन् २०२३ मा शाहरुख खान, आमिर खान, श्रीदेवी, बच्चन परिवारका सन्तान बलिउडमा डेब्यू गर्न गइरहेका छन् । बलिउडमा हरेक वर्ष नयाँ कलाकार आउँछन् । तर स्टार किड्सका बारेमा भने चर्चा हुने गर्छ ।
२०२३ मा धेरै स्टारकिड्स बलिउडमा पाइला राख्दै आफ्नो फिल्मी करियर सुरु गर्न लागेका छन्। यो सूचीमा शाहरुख खान र आमिर खान जस्ता दिग्गज अभिनेताका सन्तान समावेश छन्।
शाहरुख खानकी छोरी सुहाना खान आगामी प्रोजेक्ट ‘द आर्चिज’ मा देखिँदै छिन् । ‘द आर्चिज’ बाट सुहानाले आफ्नो करियरको सुरुवात गरेकी हुन् ।
अमिताभ बच्चनका नाति र श्वेता बच्चनका छोरा अगस्त्य नन्दको पनि यसै वर्षबाट आफ्नो भाग्यको परीक्षा गर्दैछन् । ‘द आर्चिज’ मा सुहानासँग अगस्त्य पनि रहनेछन् । आर्चीज कमिक्समा आधारित प्रोजेक्ट नेटफ्लिक्स फिल्म हो।
श्रीदेवी र बोनी कपूरकी कान्छी छोरी पनि यसै वर्षबाट काममा आएकी छन् । अभिनेत्री जान्हवी कपूरकी बहिनी खुशी कपूर पनि जोया अख्तरको प्रोजेक्ट 'द आर्चिज' मा देखिनेछिन्।
बलिउडका ‘मिस्टर परफेक्शनिस्ट’ आमिर खानका जेठा छोरा जुनैद खानले पनि २०२३ मा बलिउडमा पाइला राख्ने भएका छन् ।
