-
-
-
-
बागमती । नेपाली कांग्रेस बागमती प्रदेश संसदीय दलको नेतामा निर्वाचन प्रक्रियाबाट कांग्रेसका केन्द्रीय सदस्य बहादुरसिंह लामा निर्वाचित भएका छन् । बुधबार सम्पन्न मतगणनामा उनी दलको नेता चयन भएका हुन् ।
सर्वसम्मतरूपमा दलको नेता चयन हुन नसकेपछि निर्वाचन प्रक्रियामा उनले बागमती प्रदेश सभापति इन्द्रबहादुर बानियाँलाई पराजित गरेका हुन् ।
लामाले २१ मत प्राप्त गर्दा बानियाँले १६ मत प्राप्त गरेका थिए।
बानियाँ यसअघिको सरकारमा पनि दलको नेता थिए । मतदानमा ३७ जना प्रदेशसभा सदस्यले भाग लिएका थिए ।
