मोरङ । नेपाली कांग्रेस प्रदेश १ को संसदीय दलको नेता बन्नका लागि तीन जनाले मनोनयन दर्ता गरेका छन् ।
यसअघि दलको नेतामा दाबी गर्दै आएका केन्द्रीय सदस्य भीम पराजुली उद्धव थापाको प्रस्तावक रहेका छन् । अर्याल संविधान सभा सदस्य तथा मोरङ–५ प्रदेश सभा २ बाट प्रदेश सभामा निर्वाचित सांसद हुन् ।
प्रदेश सभापति थापा समानुपातिक सांसद र कार्की मोरङ ६ प्रदेश सभा २ बाट दोस्रो पटक प्रदेश सभा सदस्यमा निर्वाचित भएका हुन् । कार्की हाल प्रदेश सरकारका आन्तरिक मामिला तथा कानुन मन्त्री रहेका छन् ।
निर्वाचन समितिका संयोजक रमेशजङ्ग रायमाझीका अनुसार अर्यालको प्रस्तावकमा सोलुखुम्बुकी डोल्मा तामाङ र समर्थकमा सुनसरीकी सुनिताकुमारी गुरूङ रहेका छन् ।
त्यस्तै थापाको प्रस्तावकमा मोरङका भीम पराजुली र समर्थकमा खोटाङका भूपेन्द्र राई तथा कार्कीको प्रस्तावकमा उदयपुरका रामकुमार खत्री र समर्थकमा इलामका शम्शेर राई रहेका छन् ।
प्रदेश १ को प्रदेश सभामा नेपाली कांग्रेसका प्रत्यक्षमा १७ र समानुपातिकमा १२ गरी २९ सांसद छन् ।
नेता चयनका लागि शुक्रबार बिहान ९ बजेदेखि मतदान गर्ने गरी निर्वाचन कार्यतालिका सार्वजनिक गरिएको छ ।
