-
-
-
-
काठमाडौं । प्रतिनिधिसभाका नवनिर्वाचित सदस्य द्वय प्रेम आले र माया राईले पद तथा गोपनीयताको शपथ लिएका छन् ।
आज सिंहदरबारस्थित सङ्घीय संसद् सचिवालयमा प्रतिनिधिसभाका ज्येष्ठ सदस्य पशुपति शमशेर जबराले आले र राईलाई शपथ गराएका हुन् ।
योसँगै आले र राईले तेस्रो चरणमा शपथ लिएका हुन् । यसअघि पहिलो चरणमा प्रतिनिधिसभाका दुई सय ७० सदस्यले पुस ७ नयाँ बानेश्वरस्थित संसद् भवनमा शपथ लिएका थिए। दोस्रो चरणमा महिन्द्र राय यादव र रामकुमार राईले शपथ लिएका थिए ।
प्रतिनिधिसभामा प्रत्यक्ष निर्वाचित एक सय ६५ र समानुपातिक एक सय १० गरी दुई सय ७५ सांसद छन् ।
