-
-
-
-
काठमाडौं । नेपाली कांग्रेसका उपसभापति धनराज गुरुङले माओवादी केन्द्रका तर्फबाट प्रधानमन्त्री बनेका पुष्पकमल दाहाल प्रचण्ड नेतृत्वको सरकार धेरै दिन टिक्न नसक्ने दाबी गरेका छन् ।
बुधबार झापाको एक कार्यक्रममा उपसभापति गुरुङले ठूलो शक्तिलाई पाखा लगाएर बनाइएको यो सरकार धेरै दिन नटिक्ने दाबी गरेका हुन् ।
उनले सत्ता प्राप्तिको खेलले जनतामा राजनीतिप्रति वितृष्णा बढ्दै गएको तर्क गरे ।
उनले मुलुकको मियो नै कांग्रेस भएको बताउँदै कांग्रेसबिनाको सरकार कल्पनासमेत गर्न नसकिने धारणा राखे ।
गुरुङले सुधार नलागे देश गम्भीर आर्थिक सङ्कटमा फस्ने समेत बताए ।
