काठमाडौं। नेपाली क्रिकेटमा पछील्लो समय देखिएको सट्टाबाजी र म्याच फिक्सिङ प्रकरणले नयाँ रूप लिएको छ। अनुसन्धान गरिरहेको नेपाल प्रहरी (सीआईबी) ले पूर्व क्रिकेटर मेहबुब आलम र आदिल अन्सारीलाई पक्राउ गरेको छ । आलम र अन्सारीलाई काठामडौं बाहिर पक्राउ गरिएको सीआईबीले जनाएको छ । पक्राउ परेका दुवै जनालाई काठमाडौं ल्याउने तयारी भइरहेको बताइएको छ।
नेपाल टी-२० क्रिकेट लिगमा स्पट फिक्सिङ भएको आरोपपछि सीआईबीले अनुसन्धान शुरु गरेको थियो । यो लिग शुरुदेखि नै विवादमा थियो। लिगमा स्पट फिक्सिङको आशङ्का भएपछि सीआईबीले अनुसन्धान गरेको थियो। अनुसन्धानबाट केही नेपाली र विदेशी खेलाडीहरू समेतको संलग्नता हुन सक्ने आशङ्का गरिएको थियो ।