-
-
-
-
रुपन्देही । अभिनेत्री एलिजा गौतम नागरिक उन्मुक्ति पार्टीमा प्रवेश गरेकी छिन् । रुपन्देहीको भैरहवामा आयोजित एक कार्यक्रममा पार्टी अध्यक्ष रञ्जिता श्रेष्ठ चौधरीले गौतमलाई पार्टीमा प्रवेश गराएकी हुन् ।
केही चलचित्र र म्युजिक भिडियोमा अभिनय गरेकी एलिजा पत्रकार ऋषि धमलाकी धर्मपत्नी हुन् । नागरिक उन्मुक्ति पार्टीकी अध्यक्ष श्रेष्ठले एलिजाको जिम्मेवारी टुङ्गो नलागेको बताएकी छिन् ।
एलिजासँगै लुम्बिनीबाट राष्ट्रियसभा सदस्यको उपनिर्वाचनमा उम्मेदवार बनेका बर्दियाका राजेन्द्रवीर राय पनि नागरिक उन्मुक्तिमा प्रवेश गरेका छन् । उनी बैंकर तथा व्यवसायी हुन् । कलाकार गाैतमलाई उच्च तहको जिम्मेवारी दिइने चर्चा समेत चुलिएको छ।
