टीयूलाई विद्यार्थीको आग्रह – धतुरो खाएर रुटिन प्रकाशन नगरिदिनुहोला [फोटोफिचरसहित]

हाम्रा कुरा

प्रकाशित २०७९ माघ २२ आइतबार

काठमाडौं । त्रिभुवन विश्वविद्यालयमा अध्ययनरत विद्यार्थीहरुले परीक्षा नियन्त्रण कार्यालय बल्खुमा घेराउ गरेका छन् । स्नातक तह चौथो वर्षको परीक्षा तालिका संशोधन गर्न माग गर्दैै विद्यार्थीहरुले कार्यालय घेराबन्दी गरेका हुन् । उनीहरुले त्रिविको गैर जिम्मेवारी हर्कतका विरुद्ध कार्यालय घेराउ गर्न पुगेको बताएका छन् ।

उनीहरुले त्रिविले अहिलेसम्म वार्षिक क्यालेन्डर नबनाइ हचुवाको भरमा परीक्षा तालिका ल्याएको भन्दै आपत्ति जनाएका छन् ।

विद्यार्थीहरु आफूहरु रोबोट हैन मानव भएको भन्दै हचुवामा यस्तो तालिका नल्याउन मागसमेत गरेका छन् ।

उनीहरुले विश्वविद्यालयको दादागिरी कहिलेसम्म ? गाँजा, भाङ, धतुरो खाएर रुटिन प्रकाशन नगरि दिनुहोला, विद्यार्थीहरुको सहमति बिनाको यो शैक्षिक बलात्कार हो लगायतका प्लेकार्डसमेत बोकेका थिए ।