वाणिज्य बैंकले कुनै चिठ्ठा वा पुरस्कारको घोषणा गरेको छैन, ठगीबाट जोगिन आग्रह

हाम्रा कुरा

प्रकाशित २०७९ माघ २४ मंगलबार

काठमाडौं । राष्ट्रिय वाणिज्य बैंकले बैंकको लोगो तथा बैंकसँग सम्बन्धित तस्बिर राखी सामाजिक संजालमार्फत विभिन्न प्रकारका लिंकहरु प्रयोग गरेर ठगी गरेको गुनासो आएको भन्दै सावधानी अपनाउन आग्रह गरेको छ ।

सूचना जारी गरी बैंकले यस्ता गुनासा सेवाग्राहीबाट आएकाले बैंकले यस प्रकारका सामाजिक संजालमार्फत चिठ्ठा तथा उपहार कार्यक्रमको कुनै घोषणा नगरेको बताएको छ ।

खाताको केवाईसी अपडेट गर्ने प्रयोजनका लागि भनेर वा अन्य कुनै प्रयोजनका लागि ओटीपी, लिंक, पिन कोड तथा पासवर्ड जस्ता सूचनाहरु बैंकले नमाग्ने भन्दै बैंकले कसैले यस प्रकारको गोप्य सुचना तथा नम्बर मागेमा उपलब्ध नगराउन आग्रह गरेको छ ।

त्यस्तै बैंकले यस्ता प्रकारका कुनै जानकारी पाइएमा तत्काल बैंकको नजिकको शाखा वा बैंकको कल सेन्टरको फोन नम्बर ०१–५९७००१८ मा जानकारी गराउन पनि आग्रह गरेको छ ।