हिन्डनबर्गविरुद्ध मुद्दा चलाउन अडानी ग्रुपले नियुक्त गर्‍यो अमेरिकाकै ठूलो 'ल फर्म'

हाम्रा कुरा

प्रकाशित २०७९ माघ २९ आइतबार

काठमाडौं। भारतको अडानी ग्रुपले न्यूयोर्कस्थित अमेरिकाको प्रमुख कानूनी फर्म वाचटेल, लिप्टन, रोजेन र काट्जलाई सर्ट सेलर हिन्डनबर्ग रिसर्चले उठाएका आरोपको मुद्दा चलाउन हायर गरेको फाइनान्सियल टाइम्सले रिपोर्ट गरेको छ।

गत महिना हिन्डनबर्गले अडानी ग्रुपविरुद्ध लगाएको ठगीको आरोपविरुद्ध वाचेलले अडानी समूहको 'कानूनी, नियामक र जनसम्पर्क' मा काम गर्ने फाइनान्सियल टाइम्सले जनाएको छ ।

वाचेललाई पहिलो पटक भारतीय कानूनी फर्म सिरिल अमरचन्द मंगलदासले सम्पर्क गरेको थियो जसले अडानी समूहको प्रतिनिधित्व गर्छ र यो रिरिल अमरचन्दका संस्थापक गौतम अडानीका ज्वाइँ सिरिल श्राफको नेतृत्वमा रहेको रिपोर्टमा भनिएको छ।

बिहीबार अबेरमा सूचकांक प्रदायक मोर्गन स्टेनली क्यापिटल इन्टरनेशनल (एमएससीआई) ले अडानी ग्रुपका चार कम्पनीको भार घटाएको थियो।

एमएससीआईले आफ्नो घोषणामा यसले केही लगानीकर्ताहरूको विशेषताहरूमा पर्याप्त अनिश्चितता छ भनेर निर्धारण गरेको थियो। जसले अडानी शेयरहरूको कुल संख्याको पुनर्मूल्या‌ंकनलाई ट्रिगर गरेको थियो, जुन शेयरमा अन्तर्राष्ट्रिय लगानीकर्ताहरूले स्वतन्त्र रूपमा व्यापार गरिरहेका थिए।

बिहीबार नै हिन्डनबर्ग अनुसन्धानका संस्थापक नेट एन्डरसनले यसले अडानी ग्रुपले अफसोर स्टक पार्किङ गरेको आरोपलाई प्रमाणित गरेको भनेका थिए।

हिन्डनबर्गको रिपोर्टपछि अडानी ग्रुपको शेयर निकै घटे पनि फेरि बढेर अहिले फेरि थोरै घटेको छ।

यसअघि विश्वकै धनाढ्य एवं ट्विटर, टेस्ला र स्पेसएक्सका मालिक एलन मस्कले ट्विटर किन्ने भनेर फेरि बटहरुको समस्याका कारण नकिन्ने भनेपछि कम्पनीको शेयर घटेको भन्दै ट्विटरले मस्कविरुद्ध मुद्दा हाल्न यसै ल फर्म वाचटेल, लिप्टन, रोजेन र काट्जलाई नियुक्त अथवा हायर गरेको थियो।