-
-
-
-
काठमाडौं । भारतीय विदेश सचिव विनयमोहन क्वात्रा सचिवस्तरीय बैठकमा सहभागी भएका छन् । परराष्ट्र सचिव भरतराज पौड्याल र भारतीय विदेश सचिवबीच सचिवस्तरीय छलफल भएको हो ।
क्वात्राले नेपाल र भारतबीचको बहुआयामिक सहकार्यका विविध पक्षबारे छलफल गरेको परराष्ट्र मन्त्रालयले जनाएको छ ।
सो अवसरमा उनीहरुबीच कनेक्टिभिटी, ऊर्जा व्यापार, कृषि, स्वास्थ्य, संस्कृतिलगायत द्विपक्षीय सहयोगका विविध विषयमा छलफल भएको जनाइएको छ ।
परराष्ट्र सचिव पौड्यालको निमन्त्रणामा क्वात्रा नेपाल भ्रमणमा आएका हुन् । उनी नेपालको दुई दिने औपचारिक भ्रमणमा आज यहाँ आइपुगेका हुन् ।
