-
-
-
-
काठमाडौं । बलिउड अभिनेता शाहरुख खान पठानको सफलतासँगै आगामी फिल्म जवानको तयारीमा जुटेका छन् । पठानमा सलमान खानको साथ पाएका शाहरुखले जवानमा दक्षिण भारतीय अभिनेतालाई छानेका छन् । चार वर्षअघि जिरो असफल भएपछि हराएका शाहरुख पठानमार्फत फर्किएका हुन् ।
हालै उनी फिल्मको सुटिङको सिलसिलामा चेन्नई पुगेका थिए । पहिला शाहरुख खानको फिल्म ‘जवान’ निर्देशक एटली कुमारसँग र त्यसपछि फिल्मकी अभिनेत्री नयनतारासँगको तस्बिर सामाजिक सञ्जालमा सार्वजनिक भएको थियो ।
अब शाहरुख खानको यो फिल्ममा दक्षिण भारतीय अभिनेता अल्लू अर्जुनको प्रवेश भएको छ । अल्लू अर्जुन यस फिल्ममा केमियो गर्दै देखिनेछन् ।
एटली कुमारले फिल्ममा केमियोको लागि अल्लू अर्जुनलाई प्रस्ताव गरेका छन् । तर अर्जुनले यस प्रस्ताव बारे आधिकारिक धारणा सार्वजनिक गरेका छैनन् ।
