काठमाडौं । रुसी राष्ट्रपति भ्लादिमिर पुटिनले मोल्डोभाको सार्वभौमिकतालाई जोड दिने २०१२ को एक डिक्रीलाई मङ्गलबार खारेज गरेका छन् ।

मास्को समर्थित युक्रेनको सीमानामा रहेको र रुसी सेना रहेको पृथकतावादी क्षेत्र ट्रान्सनिस्ट्रिया मोल्डोभाबाट अलगिएको क्षेत्र हो। यो डिक्री मोल्डोभा घटक समावेश रहेको ११ वर्ष पुरानो रूसको विदेश नीतिको रूपरेखा थियो। यसले मास्कोको युरोपेली संघ र संयुक्त राज्य अमेरिकासँग घनिष्ठ सम्बन्धलाई स्थान दिएको थियो।

२०१२ को सो डिक्री वा आधिकारीक निर्णय रद्द गर्ने आदेश क्रेमलिनको वेबसाइटमा प्रकाशित भएको छ र यसमा 'अन्तर्राष्ट्रिय सम्बन्धमा भइरहेको गहिरो परिवर्तनको सम्बन्धमा रसियाको राष्ट्रिय हित सुनिश्चित गर्न' यस्तो निर्णय लिइएको उल्लेख छ।

मंगलबार पुटिनले गरेको यो घोषणा पश्चिमा विरोधी चाल शृंखलाको एक हिस्सा हो। ट्रान्सनिस्ट्रिया वरपरको सुरक्षा क्षेत्रमा रहेको संयुक्त नियन्त्रण आयोगका मोल्डोभान अध्यक्ष अलेक्जान्ड्रु फ्लेन्चेआले यो डिक्री रद्द गर्नुको अर्थ पुटिनले मोल्डोभानको सार्वभौमिकताको धारणालाई त्यागेको होइन भन्ने नभएको बताएका छन्।

'डिक्री एक नीति दस्तावेज हो जसले रूसको विदेश नीतिको अवधारणालाई लागू गर्दछ,' फ्लेन्चेले पब्लिका टिभीलाई भनेका छन्,'मोल्डोभा र रुसको आधारभूत राजनीतिक सम्झौता छ जसले हाम्रा देशहरूको क्षेत्रीय अखण्डताको लागि पारस्परिक सम्मान प्रदान गर्दछ।'

क्रेमलिनले गत हप्ता  ईयूमा सामेल हुने अभियानलाई अगाडि बढाउने वाचा गरेका नयाँ पश्चिमा समर्थक प्रधानमन्त्रीलाई अनुमोदन गरेको मोल्डोभासँग रुसको सम्बन्ध धेरै तनावपूर्ण रहेको जनाएको छ। यसले मोल्डोभालाई रुस विरोधी एजेन्डा पछ्याएको आरोप लगाएको छ।

रोमानिया र युक्रेनको बीचमा रहेको युरोपको सबैभन्दा गरिब राष्ट्रहरू मध्येको एक मोल्डोभाको नेतृत्व सन् २०२० देखि राष्ट्रपति माइया सान्डुले अमेरिका र युरोपेली संघको बलियो समर्थनमा गर्दै आएकी छन्। अमेरिकी राष्ट्रपति जो बाइडेनले उनलाई मङ्गलबार पोल्याण्डमा भेटेर आफ्नो समर्थनको पुष्टि गरेका थिए।

सन् २०१२ को डिक्रीले 'सार्वभौमिकता, क्षेत्रीय अखण्डता र मोल्डोभा गणतन्त्रको गणतन्त्रको तटस्थताको सम्मानमा' रुसलाई पृथकतावादी ट्रान्सनिस्ट्रिया क्षेत्रको मुद्दा समाधान गर्ने उपाय खोज्न प्रतिवद्ध बनाएको थियो।

सोभियत संघको विघटन हुनुभन्दा एक वर्षअघि मोल्डोभा भाषा र संस्कृति लगभग एउटै भएको रोमानियामा विलय हुने डरको बीच ट्रान्सडेनिएस्ट्रियाका रुसी भाषीहरू सन् १९९० मा मोल्डोभाबाट अलग भएका थिए।

सन् १९९२ मा पृथकतावादीहरू विरुद्ध मोल्डोभाले छोटो लडाँई लडेको थियो। तर विगत ३० वर्षमा त्यहाँ कुनै पनि हिंसा भएको छैन र रुसका  शान्ति सैनिकहरू अझै पनि अन्तर्राष्ट्रिय मान्यता नभएको भूमि ट्रान्सनिस्ट्रियाको सानो क्षेत्रमा तैनाथ छन्।