- सुन चाँदी दर
- विनिमय दर
- नेपाली पात्रो
- राशिफल
काठमाडौं। दक्षिण कोरियाले नेपालबाट मौसमी श्रमिक लान प्रतिबन्ध लगाएको छ । मौसमी श्रमिकका रूपमा गएका नेपालीहरू अवैध रूपमा बसेपछि कोरियाले नेपाली लिन प्रतिबन्ध लगाएको हो ।
नेपालबाट गत वर्ष मौसमी श्रमिकका रूपमा कोरिया गएका ८० प्रतिशतभन्दा धेरै श्रमिक सम्झौताअनुसार स्वदेश फर्किएका छैनन् ।
७० प्रतिशतभन्दा बढी मौसमी श्रमिक अवैध रूपमा बसेको खण्डमा सो देशबाट मौसमी श्रमिक ल्याउन तीन वर्ष प्रतिबन्ध लगाउने कोरियाको नीति रहेको छ ।
दक्षिण कोरियाको अध्यागमन विभागका निर्देशक इसुङ्ह्युनले केही वर्ष नेपालबाट मौसमी श्रमिक ल्याउने विषयमा सम्झौता नगर्ने विषयमा त्यहाँ रहेको नेपाली दूतावासलाई जानकारी गराएको छ ।