सरकारले लिग–२ क्रिकेट विजेता खेलाडीलाई जनही दुई लाख दिने

हाम्रा कुरा

प्रकाशित २०७९ फागुन ११ बिहिबार

काठमाडौं । प्रधानमन्त्री पुष्पकमल दाहाल प्रचण्डले हालै काठमाडौंमा सम्पन्न आईसीसी विश्वकप लिग–२ त्रिकोणात्मक श्रृंखलाको विजेता नेपाली टिमका खेलाडीहरुलाई पुरस्कार दिने घोषणा गरेका छन् ।

उनले आज दिउँसो विजेता खेलाडीहरुलाई प्रधानमन्त्रीको सरकारी निवास बालुवाटारमा बोलाएर बधाई दिँदै जनही दुई लाख रुपैयाँ दिने घोषणा गरेका हुन् ।

उनले इतिहास रचेकोमा खेलाडीहरुलाई बधाई दिँदै इतिहास रच्ने खेलाडीहरुलाई पुरस्कार दिनु सरकारको दायित्व भएकोसमेत बताए । नेपाली टिमले स्कटल्याण्ड र नामिबिया सम्मिलित प्रतियोगिताका सबै चार खेल जितेर पहिलो पटक क्लिन स्विप गरेको हो ।