-
-
-
-
काठमाठौं । राष्ट्रिय स्वतन्त्र पार्टी (रास्वपा)का सांसद डा ढाकाकुमार श्रेष्ठले मन्त्री बन्न दुई करोड मागेको विषयलाई लिएर रास्वपाले अनुशासन आयोगको बैठक बोलाएको छ । आज बिहान ११ बजे रास्वपा अनुशासन आयोगको बैठक बस्न लागेको हो ।
पार्टीको केन्द्रीय अनुशासन तथा आचरण समितिलाई तीन दिनभित्र अध्ययन प्रतिवेदन बुझाउन रास्वपाले निर्देशन दिएको छ । टेलिफोन संवादको अडिओ सार्वजनिक भएसँगै श्रेष्ठमाथि रास्वपाले छानबिन प्रक्रिया थालिसकेको छ । आइतबार २४ घण्टे स्पष्टीकरण सोधिएको थियो ।
सांसद श्रेष्ठले आज दिने स्पष्टीकरणका विषयमा छलफल गरी निर्णय लिएर पार्टी केन्द्रीय कमिटीमा सिफारिस बैठक पठाउनेछ।
श्रेष्ठलाई पार्टी सभापति रवि लामिछानेले ७२ घण्टाको अल्टिमेटम दिएका छन् । थप अनुसन्धानका लागि प्रहरी र अख्तियारमा निवेदन दिने उनको भनाइ छ ।
