-
-
-
-
काठमाडौं । राष्ट्रिय स्वतन्त्र पार्टीका उम्मेदवार डा. स्वर्णिम वाग्लेका बुबा जीवन वाग्ले चढ्ने कार तोडफोड भएको छ ।
तनहुँको व्यास नगरपालिका-३ दमौली बजारस्थित सन्तोष होटल अगाडि राखिएको गाडी तोडफोड अवस्थामा भेटिएको हो ।
होटल अगाडि पार्किङ गरी राखेको बा ११ च ४२५० नम्बरको सवारी तोडफोड भएको छ ।
स्वर्णिमका बुबा सन्तोष होटलमा बसेका थिए । प्रहरीले अनुसन्धान भइरहेको जनाएको छ ।
वैशाख १० गते हुने उपनिर्वाचनमा स्वर्णिम तनहुँ १ बाट रास्वपाका उम्मेदवार रहेका छन् ।
