-
-
-
-
झापा । ‘भिक्टोरिया क्रस’ विजेता भिसी क्याप्टेन रामबहादुर बेघा लिम्बूको निधन भएको छ। मेडिसिटी अस्पतालमा उपचारको क्रममा भिसी क्याप्टेन लिम्बूको ८८ वर्षको उमेरमा आज बिहान निधन भएको हो ।
झापास्थित बिएण्डसी अस्पतालमा ठीक नभएपछि चिकित्सकको सल्लाह र सुझावमा उनलाई ललितपुर स्थित मेडिसिटी अस्पतालमा ल्याएर उपचार शुरु गरिएको थियो’, छोरा मोहन बेघा लिम्बूले भने ।
उनका अनुसार ६ महिनादेखि बिरामी परेको भिसी क्याप्टेन लिम्बु पछिल्लो एक महिनादेखि भने निकै बिरामी भएपछि अस्पतालमा राखेर उपचार गराइँदै आइएको थियो ।
दमक–८ का स्थायी बासिन्दा लिम्बूको मिर्गौला र मुटु सम्बन्धी रोगबाट पीडित थिए । लिम्बूको अन्त्येष्टि दमकमा गरिने परिवारजनले जनाएको छ ।
