-
-
-
-
काठमाडौं । जनता समाजवादी पार्टी नेपालका अध्यक्ष उपेन्द्र यादवका कार्यकर्ताले बुथ कब्जा गरेको जनमत पार्टीका अध्यक्ष सीके राउतले आरोप लगाएका छन् । मतदान केन्द्र घुम्न निस्केका राउतले जसपाले दुई वटा स्थानमा बुथ कब्जा गरेको आरोप लगाएका हुन् ।
उनले बाराका पचरौता नगरपालिका बेलडाडी र देबताल झिपकैया बुथमाबुथ कब्जा गरेको बताए। दुई वटा बुथमा आफ्नो प्रतिनिधिलाई प्रवेश गर्न नदिइएको उनले बताए ।
बारा क्षेत्र नं २ मा यस पटक जसपाका अध्यक्ष उपेन्द्र यादव उठेका छन् । उनको प्रतिस्पर्धीमा जनमत पार्टीबाट शिवचन्द्र कुशवाहा, रास्वपाबाट रमेश खरेल मुख्य रहेका छन् । यो स्थानमा यादवलाई कुशवाहाले हराउन सक्ने सम्भावना बलियो छ ।
यो निर्वाचन यादवको लागि प्रतिष्ठाको विषय बनेको छ । यसअघि मङ्सिर ४ को निर्वाचन राउतसँग हारेका थिए ।
