-
-
-
-
किमाथाङ्का । सङ्खुवासभामा निर्माणाधीन नौ सय मेगावाट क्षमताको अरुण तेस्रो जलविद्युत् आयोजनाको ‘ड्याम साइट’को टनेलमा पहिरो खसेपछि थुनिएको अरुण नदी खुलेको छ ।
मकालु गाउँपालिका–३ नयाँ बस्तीबाट सुक्खा पहिरो खसेपछि टनेल थुनिएको थियो । अरुण तेस्रो आयोजनाको ड्याम साइटको टनेलमा पहिरो खसेपछि अरुण नदी थुनिएको थियो ।
तर करिब आठ घण्टापछि आफ्नै धारमा फर्किएको प्रहरी नायब उपरीक्षक वीरेन्द्र गोदारले जानकारी दिए ।
आयोजनाको अस्थायी बाँधमा पानी भरिएको थियो । टनेलबाट पानी २५ प्रतिशत मात्र बाहिर निस्किएको थियो । टनेल बन्द भएपछि करिब ७० फिट अग्लो बाँधमा पानी जम्मा भएको थियो । पक्की भएकाले तत्काल बाँध नफुटे पनि लामो समयसम्म पानी जम्मा भएमा खतरा हुने देखिएको थियो ।
सुक्खा पहिरो खसिरहेकाले नियमित मार्गबाट नदीको बहाव गराउन केही समय लाग्ने देखिएको भएको पनि आठ घण्टापछि पुरानै धारमा फर्किएको हो ।
पहिरोले अरुण थुनिएपछि दुई किलोमिटर माथिसम्म ताल बनेको थियो ।
