-
-
-
-
काठमाडौं । सफा हिमाल अभियानकर्ता आङकाजी शेर्पासहित तीन आरोहीको निधन भएको छ । सफा हिमाल अभियान– २०२३ का सरदारसमेत रहेका शेर्पाको सोमबार निधन भएको हो ।
उनी विगत तीन वर्षदेखि सफा हिमाल अभियानमा नेतृत्वदायी भूमिकामा थिए । ओखलढुंगा निवासी शेर्पा सगरमाथाको बेस क्याम्प–२ मा क्याम्प म्यानेजरको भूमिकामा रहँर्दा अचेत हुन पुगेका थिए ।
सफाइ अभियानमा प्रयोग गरिएका सामानहरु फिर्ता गर्ने तयारी गर्दै गर्दा अचेत अवस्थामा पुगेका शेर्पाको सोमबार निधन हुन पुगेको नेपाली सेनाले जनाएको छ ।
उनको पार्थिव शरीरलाई सोमबारै नेपाली सेनाको हेलिकोप्टरद्वारा लुक्लाबाट काठमाडौं ल्याइ पोष्टमार्टम गरी परिवारजनलाई बुझाइएको छ ।
उनीसहित निधन भएका थप दुई शेर्पाको पार्थिव शरिर पनि परिवारजनलाई बुझाइएको छ ।
