-
-
-
-
काठमाडौं । संसदीय सुनुवाइ समितिको बैठकले प्रधानन्यायाधीशमा सिफारिस भएका हरिकृष्ण कार्कीविरुद्ध १० दिनभित्र उजुरी आह्वान गर्ने निर्णय गरेको छ ।
आज बसेको समितिको बैठकले कार्कीविरुद्ध १० दिनभित्र सार्वजनिक रूपमा उजुरी आव्हान गर्ने निर्णय गरेको हो ।
कार्की संवैधानिक परिषद्बाट गत वैशाख २५ गते सर्वोच्चका लागि प्रधानन्यायाधीशमा सिफारिस भएका थिए ।
बैकमा सभामुख देवराज घिमिरेले प्रधानन्यायाधीश नियुक्तिको सन्दर्भमा समितिमा पत्र समेत आएर बसेको उल्लेख गर्दै नियुक्ति प्रक्रिया अगाडी बढाउन आग्रह गरेका थिए ।
सरकारी सञ्चारमाध्यम मार्फत जानकारी दिइने छ । इमेल मार्फत उजुरी दिन सकिनेछ । कार्कीमाथि लिखित रूपमा पत्रमार्फत वा समितिले सार्वजनिक गर्ने इमेलमार्फत उजुरी दिन सकिने छ ।
उजुरीकर्ताको परिचय उनीहरूको अनुरोधमा समितिले गोप्य राख्नेछ भने नाम बिना आएका उजुरीलाई भने प्राथमिकता नदिनेबारे समितिमा छलफल भएको छ ।
