-
-
-
-
काठमाडौं । सदनको रेकर्डबाट जब पर्यो राति तब बुढी ताती शब्द हटाइएको छ । नेपाली कांग्रेसका एक सांसदले बजेटमाथिको छलफलमा उक्त शब्द प्रयोग गरेपछि महिला सांसदले विरोध जनाएसँगै सो रेकर्डबाट हटाइएको हो ।
कांग्रेसका एक सांसदले जब पर्यो राति तब बुढी ताती भनेपछि महिला सांसद उठेर भनिन्,' जब पर्यो राति तब बुढी ताती भन्ने हामीले धेरै पटक माननीयहरुको मुखबाट हामीले सुनेका छौ । आज बोलिएको रेकर्डबाट काटियोस् ।'
प्रतिनिधि सभाको नियमावली २१ घ अनुसार कसैलाई अपमानजनक शब्द प्रयोग गर्न पाइँदैन । उनले भनिन्,' नेपाली उखानलाई लिएर जहिले पनि नेपाली महिलामाथि आक्रमण गर्ने गरिन्छ यो कुरा कहिले देखि अन्त्य हुन्छ म सोध्न चाहान्छु । जहिले पनि उखान टुक्का गर्दा महिला माथि नै यो सदनमा बोलिनुपर्ने कहिले सम्म ?'
त्यसपछि सभामुखले जब पर्यो राति तब बुढी ताती रेकर्डबाट हटाउन सचिवालयलाई निर्देशन दिए ।
