काठमाडौं । इङ्गलिश प्रिमियर लिग क्लब म्यानचेस्टर सिटीले च्याम्पियन्स लिग फुटबलको उपाधि जितेको छ । इस्तानबुलमा शनिबार राति भएको फाइनलमा इटालियन क्लब इन्टर मिलानलाई १–० गोल अन्तरले हराउँदै म्यानसिटीले उपाधि जितेको हो ।
सिटीलाई जित दिलाउन रोड्रीले निर्णायक गोल गरे । रोड्रीले खेलको ६८ औं मिनेटमा गोल गरेका थिए । सिटीले पहिलो पटक च्याम्पियन्स लिगको उपाधि जितेको हो ।
यस्तै पेप ग्वार्डिओलाको नेतृत्वमा रहेको सिटीले एकै सिजन तीन उपाधि जितेको छ । यसअघि सिटीले प्रिमियर लिग र एफए कप जितेको थियो ।
एकै वर्ष तीन उपाधि जित्ने म्यानसिटी दोस्रो प्रिमियर लिग क्लब हो । यसअघि म्यानचेष्टर युनाइटेडले सन् १९९९ मा तीन उृपाधि जितेको थियो ।
ग्वार्डिओला तीन च्याम्पियन्स लिग जित्ने तेस्रो प्रशिक्षकसमेत बनेका छन् ।
यसअघि कार्लो एन्सोलोटी र जिनेदान जिदानले तीन च्याम्पियन्स लिग जिताएका छन् । ग्वार्डिओलाले यसअघि स्पेनिश क्लब बार्सिलोनालाई दुई पटक च्याम्पियन्स लिगको उपाधि जिताएका थिए ।
