-
-
-
-
काठमाडौं । भारतमा सडक दुर्घटनामा परी चार जना नेपालीको मृत्यु भएको छ । भारतीय बजार बनबासा नजिकै सडक दुर्घटनामा परी चार जना नेपालीको मृत्यु भएको हो ।
भारत उत्तराखण्डको बनबासा सडकखण्ड अन्तर्गत चकरपुरमा कार र दुई स्कुटर ठोक्किँदा चार जनाको मृत्यु भएको हो । दुई वटा स्कुटरमा गइरहेका उनीहरु चकरपुरमा कारसँग ठोक्किएका हुन् ।
दुर्घटनामा ६० वर्षीय नेमबहादुर चन्द, उनकी श्रीमती ५६ वर्षीया सरस्वती, बुहारी २७ वर्षीया नर्मदा र ४२ वर्षीया भाइ–बुहारी कल्पना चन्दको मृत्यु भएको छ ।
