-
-
-
-
मोरङ । बेलबारीका उद्यमी तथा व्यवसायीहरुलाई स्थानीय स्तरमै सेवा प्रवाह गर्ने उद्धेश्यले बेलबारी उद्योग वाणिज्य संघको आयोजनामा गुणस्तर तथा नापतौल कार्यालय विराटनगरको प्राविधिक सहयोगमा नापतौल दर्ता तथा नवीकरण भइरहेको छ ।
बेलवारी उद्योग वाणिज्य संघको कार्यालयमा आइतबारदेखि जारी उक्त नापतौल शिविर सोमबारसम्म संचालन हुने उद्योग वाणिज्य संघका अध्यक्ष भेषकुमार श्रेष्ठ (अशोक) ले बताए ।
लामो समयदेखि आफ्नो व्यवसायीक फर्ममा चालु रहेका ढक, तराजु, लिटर, मिटर गुणस्तर तथा नापतौल कार्यालयमा दर्ता नवीकरण नगरी संचालनमा गरिरहेको अवस्थालाई मध्यनजर गरेर नापतौल डोरको अयोजना गरिएको अध्यक्ष श्रेष्ठले बताए ।
गुणस्तर तथा नापतौल कार्यालय विराटनगर बाट डोर प्रमुख निरिक्षक रजनिस झा को नेतृत्वमा चार जना कर्मचारीहरुले दुई दिने शिविरमा सेवा दिइराखेका छन् ।
आइतबार ८० जना भन्दा बढीले सेवा लिइसकेको संस्थाका वाणिज्य सचिव रुपेश श्रेष्ठले जानकारी दिए ।
