काठमाडौँ । नबिल बैंकले आजदेखि लागू हुने गरी नयाँ ब्याजदर सार्वजनिक गरेको छ । सबै बैंकको आजदेखि नयाँ ब्याजदर आइरहँदा नबिल बैंकले मुद्दती निक्षेपमा ब्याजदर बढाएको छ ।
तर अन्य धेरै बैंकहरुले भने मुद्धती निक्षेपमा ब्याजदर घटाएका छन् । यसअघि बैंकर्स संघले भद्र सहमतिमार्फत ब्याजदर निर्धारण गर्दै आएकामा आजदेखि त्यो निर्णय खारेज भएसँगै बैंकले आफैँ ब्याजदर कायम गर्न थालेका हुन् ।
नबिल बैंकले सार्वजनिक गरेको नयाँ ब्याजदर अनुसार दुई वर्षभन्दा माथिको व्यक्तिगत मुद्दती निक्षेपमा १०.४९ प्रतिशत ब्याज दिनेछ ।
त्यस्तै, ६ महिनादेखि २ वर्षसम्मको व्यक्तिगत मुद्दती निक्षेपमा ९.९९ प्रतिशत, तीन महिनादेखि ६ महिनासम्मको व्यक्तिगत मुद्दती निक्षेपमा ९.४९ प्रतिशत र क्युमुलेटिभ फिक्स्ड डिपोजिटमा ९.९९ प्रतिशत ब्याज दिने जनाएको छ । यसअघि सबै प्रकारका मुद्दती निक्षेपमा बैंकले ९।९९ प्रतिशत ब्याज दिँदै आएको थियो ।
त्यस्तै, नबिल रेमिट्यान्स फिक्स्ड डिपोजिट खातामा ११.४९ प्रतिशत ब्याज दिने जनाएको छ ।
