विश्वकप छनोटका लागि नेपाली टोलीको घोषणा, तीन नयाँ अनुहार

विश्वकप छनोटका लागि नेपाली टोलीको घोषणा, तीन नयाँ अनुहार

हाम्रा कुरा

प्रकाशित २०८० साउन २६ शुक्रबार

काठमाडौँ । तीन नयाँ अनुहारलाई सामेल गर्दै नेपाल क्रिकेट संघ (क्यान) ले महिला टी–२० विश्वकपको एसिया छनोटको लागि नेपाली टिमको घोषणा गरेको छ ।

क्यानले बिहीबार रुबिना क्षेत्रीको कप्तानीमा १४ सदस्यीय नेपाली टोलीको घोषणा गरेको हो । रुबी पोदार, खुशी डंगोल र पूजा महतोले पहिलो पटक राष्ट्रिय टोलीमा मौका पाएका हुन् ।

नेपाली टोलीमा रुबिना, सीता रानामगर, इन्दु बर्मा, बिन्दु रावल, कविता कुँवर, कविता जोशी, पूजा महतो, सम्झना खड्का, ईश्वरी विष्ट, काजोल श्रेष्ठ, रुबी पोदार, अप्सरी बेगम, अस्मिना कर्माचार्य र खुशी डंगोल रहेका छन् ।