पाल्पा । पाल्पा जिल्ला अदालतले चार जनालाई दोभाषे नियुक्ति गरेको छ ।
अदालतले नेपाल भाषा, मगर र अङ्ग्रेजी भाषाका दोभाषे नियुक्त गरेपछि नेपाली भाषा बोल्न नसक्नेका लागि सहज भएको छ । दोभाषे नहुँदा जिल्लाका ग्रामीण क्षेत्रका महिला तथा बालबालिका आफ्ना समस्या बताउन समस्यामा पर्दै आएका थिए ।
जिल्लामा मगर समुदायको बाहुल्य रहेकाले उनीहरुलाई मगर भाषाको दोभाषे नियुक्त गरेपछि राहत मिलेको अदालतका स्रेस्तेदार सुवर्ण खनाल बताउँछन् । जिल्लामा मगर र नेपाल भाषा बोल्ने समुदायको बाक्लो बस्ती रहेको छ ।
गत आवमा जिल्ला अदालतबाट १०१ जोडीले सम्बन्धविच्छेद गरेको र २३ मुद्दामध्ये १८ मुद्दामा मेलमिलाप भएको अदालतले जनाएको छ । रासस
