बाबुको अन्तिम संस्कार गर्न आइपुगे नेम्वाङका कान्छा छोरा सुहाङ
हाम्रा कुरा
प्रकाशित २०८० भदौ २७ बुधबार
2k
Shares
काठमाडौँ । संविधानसभा अध्यक्ष एवं नेकपा एमालेका उपाध्यक्ष सुवासचन्द्र नेम्वाङको अन्तिम संस्कार गर्नका लागि उनका कान्छा छोरा सुहाङ नेम्वाङ अष्ट्रेलियाबाट फर्किएका छन् ।
उनी कामको सिलसिलामा १५ दिन अगाडिमात्रै अष्ट्रेलिया गएका थिए । एक महिनाका लागि अष्ट्रेलिया पुगेका उनी काम अधुरै छाडेर फर्किएका हुन् ।
उनी गएराति ११ बजे त्रिभुवन अन्तर्राष्ट्रिय विमानस्थलमा आइपुगेका थिए । सुहाङ पेशाले कानून व्यवसायी हुन् ।
नेम्वाङका जेठा छोरा भने बेलायतबाट आज फर्किदै छन् । नेम्वाङको हिजो बिहान निधन भएको थियो ।
नेम्वाङको भोलि बिहान ११ बजे पशुपति आर्यघाटमा राजकीय सम्मानका साथ अन्त्येष्टि गरिने छ ।
सरकारले भोलि सार्वजनिक बिदा दिएको छ ।
हिजो बिहानदेखि एमालेको मुख्यालय च्यासलमा राखिएको नेम्वाङको पार्थिव शरीर आज दिउँसो १ बजेसम्म श्रद्धाञ्जलीका लागि राखिने छ ।
त्यसपछि उनको पार्थिव शरीर बालुवाटारस्थित घरमै लगिने छ ।
