-
-
-
-
काठमाडौँ । संविधानसभाका अध्यक्ष सुवासचन्द्र नेम्वाङका दुई छोरा रहेका छन् ।
बाबुको अन्तिम संस्कार गर्न नेम्वाङका दुई छोरा जेठा मेङ्सो नेम्वाङ र कान्छा छोरा सुहाङ नेम्वाङ विदेशबाट नेपाल आएका हुन् ।
नेम्वाङका दुई श्रीमती रहेका छन् । जेठीका तर्फबाट मेङ्सो हुन् भने कान्छी तर्फबाट सुहाङ रहेका छन् ।
मेङ्सो नेम्वाङ बेलायतमा बसेबास गर्छन् । उनी फर्किएसँगै हिजो एमाले मुख्यालयमा श्रद्धाञ्जली दिन भाइ सुहाङसँगै पुगेका थिए ।
कान्छा छोरा सुहाङ कामको सिलसिलामा १५ दिन अगाडि मात्रै अस्ट्रेलिया गएका थिए । एक महिनाका लागि अस्ट्रेलिया पुगेका उनी काम अधुरै छाडेर फर्किए ।
सुहाङ पेशाले कानून व्यवसायी हुन् । उनी नेपालमै बस्दै आएका छन् । नेम्वाङको अन्त्येष्टि आज पशुपति आर्यघाटमा राजकीय सम्मानका साथ हुँदैछ ।
