-
-
-
-
काठमाडौं । नेकपा(एमाले)का अध्यक्ष केपी शर्मा ओलीले दिवङ्गत संविधान सभाका अध्यक्ष तथा पूर्व सभामुख सुवासचन्द्र नेम्वाङ सफल राजनेता भएको बताएका छन् ।
बिहीबार नेकपा(एमाले)को संसदीय दलको बैठकलाई सम्बोधन गर्दै उनले स्वर्गीय नेम्वाङ सफल राजनेताको रूपमा राष्ट्रिय र अन्तर्राष्ट्रिय स्तरमा ख्यातिप्राप्त भएको बताएका हुन्।
उनले नेपालको इतिहासमा नेम्वाङको तुलना अन्य कुनै सभामुखसँग पनि नहुने बताए ।
उनले नेम्वाङले दलीय स्वार्थभन्दा माथि उठेर संसद चलाएको र संसद्को गरिमा बढाएको बताए । अध्यक्ष ओलीले नेम्वाङ संविधान र कानून उल्लङ्घन गर्नु नहुने मान्यतामा रहेको बताए ।
