मित्र भन्दै नीलाम्बर आचार्यले यसरी सम्झिए सुवास नेम्वाङलाई [भिडियो]
नेपालको संविधान कार्यान्वयनमा देखिएका त्रुटि तत्काल सच्याउनु पर्छ
हाम्रा कुरा
प्रकाशित २०८० असोज २ मंगलबार
1k
Shares
काठमाडौं । संविधानविद् नीलाम्बर आचार्यले स्व. संविधानसभा अध्यक्ष सुवासचन्द्र नेम्वाङ आफ्नो पुरानो मित्र भएको बताएका छन् । मङ्गलवार एमालेले पार्टी केन्द्रीय कार्यालय च्यासलमा आयोजना गरेको ‘सुवास र संविधान’ विषयक प्रवचन कार्यक्रममा बोल्दै उनले सुवासलाई सम्झिएका हुन् ।
आचार्यले नेपालको संविधान कार्यान्वयनमा बाटो बिराएको उल्लेख गर्दै संवैधानिक अभ्यासको समीक्षा र संविधानकै समीक्षा गर्नुपर्ने बेला आएको बताएका हुन् ।
सबैको भावनालाई समेटेर संविधान कार्यान्वयनको पाटोलाई सही बाटोमा ल्याउन सक्ने क्षमता भएका सुवास नेम्वाङको निधनले ठूलो क्षति पुर्याएको बताए ।
उनले नेम्वाङकै कारण दोस्रो संविधान सभाले नेपालको संविधान निर्माण गर्न सकेको दाबी समेत गरे । संविधानविद् आचार्यले नेम्वाङलाई नेपालको संविधान, लोकतन्त्र, संवैधानिक सर्वोच्चता र कानूनी राज्य मान्ने जोकोहीले पनि सदा सम्झिरहने बताए ।
उनले नेम्वाङले अरूको दबाब, प्रभावको प्रवाह नगरी संविधान निर्माणमा योगदान गर्नुभएको पनि स्मरण गरे । आचार्यले नेम्वाङजस्तो देशले सम्मान गरेका नेताको भूमिका पाएको भन्दै एमालेलाई भाग्यमानी पार्टीको रूपमा चित्रण गरे ।
