-
-
-
-
काभ्रेपलाञ्चोक । काभ्रे उद्योग वाणिज्य संघका अध्यक्ष राजेन्द्र पसछेको पसलमा वाणिज्य, आपूर्ति तथा उपभोक्ता संरक्षण विभागले छापा मारेको छ ।
अनुगमनका क्रममा विभागको टोलीले पनौती नगरपालिका ७ मा रहेको ओम श्री पसछे ट्रेडर्सबाट मिति सकिएको २९ बोरा चामल बरामद गरेको छ।
विभागको टोली बरादम गरेको म्याद सकिएको चालम नस्ट गर्दै ओम श्री पसछे ट्रेडर्सलाई ३ लाख रुपैयाँ जरिवाना गरेको विभागका सूचना अधिकारी आनन्दराज पोखरेलले जानकारी दिए ।
उनले ट्रेडर्सबाट ६७ हजार बराबरको म्याद सकिएको चामल बरामद गरिएको बताए ।
वाणिज्य, आपूर्ति तथा उपभोक्ता संरक्षण विभागले अहिले चाडबाडलाई लक्षित गर्दै बजार अनुमगन गरिरहेको छ।
