उच्चस्तरीय समिति तत्काल बनाउन रास्वपाको माग, राष्ट्रपतिलाई ध्यानाकर्षण पत्र बुझाउने

हाम्रा कुरा

प्रकाशित २०८० असोज ११ बिहिबार

काठमाडौं । राष्ट्रिय स्वतन्त्र पार्टी (रास्वपा)ले सुन तस्करी प्रकरणमा उच्चस्तरीय समिति तत्काल गठन गर्न माग गरेको छ ।

रास्वपाले भदौ ६ गते राष्ट्रिय मान्यताप्राप्त ७ दलबीच भएको सुन तस्करी प्रकरणको थप छानबिनका उच्चस्तरीय समिति बनाउने सहमति कार्यान्वयन गर्न माग गरेको छ ।

बुधवारको बैठकले सरकारले निर्धारित मितिमा समिति गठन नगरेर सहमति उल्लङ्घन गरेको आरोप लगाएको छ ।

साथै राष्ट्रपतिले दिएको कैद मिनाहा माथि सदनमा सङ्कल्प प्रस्ताव दर्ता गर्ने भएको छ । राष्ट्रपतिलाई पनि कानून र संविधानको पालना गर्ने कर्तव्यमा ध्यानाकर्षण पत्र बुझाउने निर्णय गरेको छ ।

संविधान दिवको आचरण सुध्रिएका ५० प्रतिशत कैद सजाय भोगेका र निश्चित उमेर काटेकाहरूले बाँकी कैद मिनाहा गरिएको थियो ।

कैदीलाई मिनाहा गरिनु कानूनको बर्खिलाप हुने गरी र जघन्य अपराधमा मुछिएका व्यक्तिलाई पनि नेपाल सरकारको सिफारिसमा राष्ट्रपतिबाट मन्त्रीपरिषद्को सिफारिसमा मिनाहा हुनु राम्रो नभएको रास्वपाको ठहर छ ।