चौबीस वर्ष प्रवेशको उपलक्ष्यमा माछापुच्छ्रे बैंकले ल्यायो क्यासब्याकसहितका अफर
हाम्रा कुरा
प्रकाशित २०८० असोज १८ बिहिबार
2.2k
Shares
काठमाडौँ । माछापुच्छ्रे बैंक लिमिटेड २४ औं वर्षमा प्रवेश गरेको छ । सो अवसरमा बैंकले क्यासब्याकसहितका विभिन्न आकर्षक अफर ल्याएको छ।
आफूले प्रदान गर्दै आएको डिजिटल सेवाबाट ग्राहकले क्यासब्याक र आकर्षक अफरको लाभ लिन सक्ने बैंकले जनाएको छ। डिजिटल भुक्तानीमा ग्राहकले निःशुल्क इन्टरनेट प्याकेजका साथै सामसङ ट्याब्लेट र प्रत्येक दिन ५०० रुपैयाँ क्यासब्याक पाउने छन् ।
बैंकका अनुसार यो अफर असोज ३० गतेसम्म लागू हुने छ।
बैंकका प्रमुख कार्यकारी अधिकृत सन्तोष कोइरालाले माछापुच्छ्रेलाई स्मार्ट बैंकको रुपमा स्थापित गर्न सफल भएको बताए । उनले आगामी दिनमा सेवामा अझै सुधार गर्ने प्रतिबद्धता जनाए।
बैंकले आफ्नो २३ औं वार्षिकोत्सवका अवसरमा एक कार्यक्रम गरी २० वर्षभन्दा बढी समयदेखि काम गर्दै आएका कर्मचारीलाई सम्मानसमेत गरेको छ।
