काठमाडौँ। माछापुच्छ्रे क्यापिटल लिमिटेडले 'विश्व लगानीकर्ता सप्ताह–२०२५' को अवसर पारेर देशव्यापी रूपमा वित्तीय साक्षरता तथा सचेतना अभिवृद्धि कार्यक्रम सम्पन्न गरेको छ।

कम्पनीले लगानीकर्ताहरूमाझ शेयर बजार र लगानी सम्बन्धी सचेतना जगाउने उद्देश्यले विभिन्न क्षेत्रलाई समेटर शिक्षा तथा सचेतना कार्यक्रम सञ्चालन गरेको हो। कम्पनीले गत मङ्सिर २५ गतेदेखि पौष २ गतेसम्म विभिन्न स्थानमा सचेतनामूलक कार्यक्रमहरू आयोजना गरेको थियो भने सो मिति पछि पनि अभियानलाई निरन्तरता दिने योजना बनाएको छ।

विद्यार्थीदेखि व्यवसायीसम्मलाई समेटियो आफ्नो संस्थागत सामाजिक उत्तरदायित्व (सीएसआर) अन्तर्गत क्यापिटलले विभिन्न कलेज तथा स्थानीय निकायहरूमा कार्यक्रम आयोजना गरेको थियो। क्यापिटलका अनुसार गत मङ्सिर २९ गते ग्वार्कोस्थित क्वेस्ट इन्टरनेशनल कलेजका एमबिए (एमबिए) विद्यार्थीहरू र पौष १ गते हेटौँडाको मकवानपुर बहुमुखी क्याम्पसका बिबिए (बिबिए) सन्काएका विद्यार्थीहरूमाझ वित्तीय साक्षरता कार्यक्रम सञ्चालन गरिएको थियो।

त्यसै गरी, पौष २ गते चितवनको सौराहामा क्षेत्रीय होटेल सङ्घ तथा रेस्टुरेन्ट एण्ड बार सङ्घका सदस्य तथा कर्मचारीहरूका लागि अन्तरक्रिया कार्यक्रम सम्पन्न गरिएको छ। सोही दिन स्याङ्जाको वालिङस्थित अर्जुनचौपारी गाउँपालिकामा कार्यरत कर्मचारी तथा स्थानीय बासिन्दाहरूमाझ पनि सचेतना कार्यक्रम सम्पन्न भएको कम्पनीले जनाएको छ।

उद्देश्य र भावी योजना यस्ता कार्यक्रमहरू मार्फत लगानीकर्ताहरूलाई आर्थिक रूपमा सबल बनाउन, जिम्मेवार वित्तीय निर्णय लिन र समग्र वित्तीय स्थायित्व कायम गर्न मद्दत पुग्ने विश्वास कम्पनीले लिएको छ। माछापुच्छ्रे क्यापिटलले विगतदेखि नै यस्ता सचेतनामूलक कार्यक्रमहरू निरन्तर रूपमा सञ्चालन गर्दै आइरहेको छ।

माछापुच्छ्रे बैङ्क लिमिटेडको पूर्ण स्वामित्वमा रहेको सहायक कम्पनी माछापुच्छ्रे क्यापिटलले नेपाल धितो पत्र बोर्डबाट अनुमति प्राप्त गरी मर्चेन्ट बैङ्किङ सेवा प्रदान गर्दै आएको छ। कम्पनीले धितो पत्र प्रत्याभूति, लगानी व्यवस्थापन, संस्थागत परामर्श सेवा, निष्कासन तथा बिक्री प्रबन्ध, शेयर रजिस्ट्रेसन, निक्षेप सदस्य तथा सामूहिक लगानी कोष जस्ता सेवाहरू प्रदान गरिरहेको छ।