-
-
-
-
काठमाडौँ । नेपाल, संयुक्त अरब इमिरेट्स (यूएई) र हङकङ सहभागी भएको त्रिकोणात्मक टी–२० क्रिकेट सिरिजअन्तर्गत नेपालले अहिले यूएईसँग खेलिरहेको छ ।
काठमाडौँको माथिल्लो मूलपानी क्रिकेट मैदानमा भइरहेको खेलमा नेपालले टस जितेर पहिले बलिङ गरिरहेको छ । नेपालले उत्कृष्ट शुरुआत गरेको छ ।
नेपालले पहिलो ओभरै विकेट लिन सफल भएको छ । सोमपाल कामीले ओपनर खालिद शाहको विकेट लिएका छन् ।
त्यस्तै १२ रन जोड्दा यूएईले दोस्रो विकेट गुमाएको छ । करण केसीले विकेट लिएका हुन् ।
यही खेलबाट लेग स्पिनर श्याम ढकालले टी–२० मा डेब्यु गरेका छन् ।
टी–२० मा नेपाल र यूएईबीच हालसम्म पाँच पटक प्रतिस्पर्धा भएको छ ।
नेपाल दुई खेलमा तथा यूएई तीन खेलमा विजयी भएको छ ।
