त्रिकोणात्मक टी–२० क्रिकेटमा नेपालको विजयी शुरूआत, यूएई सात विकेटले पराजित

त्रिकोणात्मक टी–२० क्रिकेटमा नेपालको विजयी शुरूआत, यूएई सात विकेटले पराजित

हाम्रा कुरा

प्रकाशित २०८० कार्तिक १ बुधबार

काठमाडौँ । नेपाल, संयुक्त अरब इमिरेट्स (यूएई) र हङकङ सहभागी भएको त्रिकोणात्मक टी–२० क्रिकेट श्रृंखलामा नेपालले विजयी शुरुआत गरेको छ ।

काठमाडौँको माथिल्लो मूलपानी क्रिकेट मैदानमा भएको उद्घाटन खेलमा नेपालले यूएईलाई ७ विकेटले पराजित गर्यो । जितका लागि १४१ रनको चुनौती पछ्याएको नेपालले ७ बल खेल्न बाँकी छँदै ३ विकेटको क्षतिमा पूरा गर्यो ।

चौथो विकेटका लागि ९५ रनको अविजित साझेदारी गर्ने क्रममा कप्तान रोहित पौडेलले ४० बलमा ५१ तथा दिपेन्द्र सिंह ऐरीले २३ बलमा ३४ रन बनाए । आसिफ शेख २३, कुशल भुर्तेल १४ तथा कुशल मल्ल ११ रनमा आउट भए ।