हङकङलाई हराउन नेपाल ९५ रनको झिनो चुनौती पछ्याउँदै

हाम्रा कुरा

प्रकाशित २०८० कार्तिक २ बिहिबार

काठमाडौँ । त्रिकोणात्मक टी–२० क्रिकेट श्रृंखलाको दोस्रो खेलमा नेपालले अहिले हङकङविरुद्ध खेलिरहेको छ । मूलपानी क्रिकेट मैदानमा जारी खेलमा नेपालले टस हारेर पहिले बलिङ गर्दै हङकङमाथि हावी भएको छ ।

नेपालले हङकङलाई ९४ रनमै रोक्न सफल भएको छ । हङकङले ३ बल खेल्न बाँकी छँदै सबै विकेट गुमाएर ९४ रन बनायो । यासिम मुर्ताजाले ३६ तथा जिसन अलीले १७ रन बनाएबाहेक कसैले पनि दोहोरो स्कोर खडा गर्न सकेनन् ।

नेपालका लागि करण केसी एक्लैले ४ विकेट लिएका छन् । उनले मात्र १५ रन खर्चेका थिए । त्यस्तै सोमपाल कामी र अबिनाश बोहराले २–२ तथा मौसम ढकाल र कुशल मल्लले १–१ विकेट लिएका छन् ।