-
-
-
-
काठमाडौँ । एसीसी यू–१९ प्रिमियर कप क्रिकेटको उपाधिका लागि अहिले नेपाल र यूएई भिडिरहेका छन् । मलेसियाको क्वालालाम्पुरमा भइरहेको फाइनल जितका लागि नेपालले यूएईलाई २८१ रनको चुनौती दिएको छ ।
खेलमा टस जितेर पहिलो ब्याटिङ गरेको नेपालले निर्धारित ५० ओभरमा ८ विकेट गुमाएर २८० रन बनायो । कप्तान देव खनालले कप्तानी इनिङ्स खेल्ने क्रममा शतक बनाए ।
उनले ९२ बलमा १०० रनको योगदान दिएका हुन् । त्यसतै उत्तम रंगु थापा मगरले ५७ तथा अर्जुन कुमालले ५५ रन बनाए ।
नेपाल फाइनलमा प्रवेश गरेसँगै यू–१९ एसिया कपमा छनोट भइसकेको छ ।
