काठमाडौँ। चिनियाँ राष्ट्रपति सी चिनफिङले रक्षामन्त्रीलाई बर्खास्त गरेका छन् ।
सार्वजनिक रूपमा नदेखिएको दुई महिनापछि चीनले रक्षामन्त्री ली साङ्फुलाई औपचारिक रूपमा बर्खास्त गरेको छ ।
उनीमाथि भ्रष्टाचार मुद्दा लगाएर बर्खास्त गरिएको वालस्ट्रिट जर्नलले जनाएको छ ।
रक्षामन्त्री उपकरण खरिद र विकाससम्बन्धी सन्दिग्ध भ्रष्टाचारको अनुसन्धानमा तानिएका छन् ।
यसअघि सीको मन्त्रिपरिषद्का सदस्य विदेशमन्त्री क्विन ग्याङलाई गत जुलाईमा बर्खास्त गरिएको थियो ।
उनको बर्खास्ती पछि धेरै उच्च सैन्य अधिकारीहरूलाई पनि हटाइएको थियो ।
भने पछिल्लो पटक रक्षामन्त्री पनि बर्खास्तीमा परेका हुन् ।
दुई महिना अघि जनरल लीको अन्तिम सार्वजनिक उपस्थिति बेइजिङमा आयोजित अफ्रिकी राष्ट्रहरूको सुरक्षा फोरममा भएको थियो ।
यसअघि रक्षामन्त्रीको अनुपस्थितिलाई लिएर चिनियाँ विदेश मन्त्रालयका प्रवक्ता समक्ष प्रश्न गर्दा त्यस सम्बन्धमा आफूलाई कुनै जानकारी नभएको जवाफ दिएकी थिइन् ।
यसअघि पनि विदेश मन्त्रीदेखि विभिन्न मन्त्रीलाई सीले हटाउँदै आएका थिए ।
सीले आफ्नो नीति भन्दा केही फरक कसैले गर्यो भने बर्खास्त गर्दै आएका छन् ।
उनले कुनै सफाइको मौकासमेत नदिने गरेको पाइएको छ । बर्खास्त गरेकालाई पनि विभिन् अभियोग लगाउने गरिएको छ ।
