-
-
-
-
काठमाडौँ । नेपालीहरुको दोस्रो महान् चाड तिहार अर्को सातादेखि शुरु हुँदैछ । यमपञ्चकको पाँच दिन मनाइने तिहार वा दिपावली वा भाइटीका २५ गते शनिबारदेखि शुरु हुँदैछ ।
तिहारमा लक्ष्मीपूजाको महत्व बढी छ । मानिसको जीवनसँग जोडिएको धनधान्यकी देवी लक्ष्मीको पूजा गरेमात्र घरमा लक्ष्मी भित्रिन्छ भन्ने विश्वास छ । मानिसले कर्म त गर्नैपर्छ त्यसमाथि पनि धेरैथोरै भागवानको आशीर्वाद पनि चाहिने विश्वासमै लक्ष्मीपूजा गरिन्छ ।
तिहार त दिपावली गर्ने पर्व । त्यसैले अहिले धमाधम दियो बाल्नका लागि पाला बनाउनेहरु व्यस्त छन् । सोही अवसरमा भक्तपुरको पोटरी स्क्वायरमा माटोको पाला बनाउन भ्याइनभ्याइ भएको छ ।
तिहारमा माटोको पालको माग धेरै हुने भएकोले पनि सो क्षेत्रका प्रजापतीहरु माटोको पाला बनाउन निकै व्यस्त देखिन्छन् ।
