-
-
-
-
काठमाडौँ । प्यालेस्टिनी भूमिमा इजरेली बमबारीमा परी मृत्यु हुनेको सङ्ख्या १० हजार नाघेको जनाएको छ ।
हमासले इजरेलमा आक्रमण गरेपछि इजरेलद्वारा थालेको कारबाही करिब एक महिनामा १० हजार बढीले ज्यान गुमाएका हुन् ।
गाजास्थित प्यालेष्टिनी स्वास्थ्य मन्त्रालयका प्रवक्ता अशरफ अल–किद्रेहले पत्रकार सम्मेलन गरी १० हजार २२ जनाको मृत्यु भएको घोषणा गरेका छन् ।
इजरेली सेनाले गरेको भीषण बमबारीमा आतबार र सोमबारमा कम्तीमा २९२ जना प्यालेस्टाइनीको मृत्यु भएको उनले बताए ।
मन्त्रालयका अनुसार गाजामा युद्ध सुरु भएयता मारिनेमा चार हजारभन्दा बढी बालबालिकासहित अधिकांश सर्वसाधारण रहेका छन् ।
गाजा क्षेत्रमा अक्टोबर ७ मा हमासले गरेको आक्रमणका कारण दक्षिणी इजरेलमा एक हजार ४०० जनाको मृत्यु भएको इजरेली अधिकारीहरूले बताएका छन् ।
