चार देशीय महिला टी–२० श्रृंखला हङकङमा शुरु, तान्जिनियालाई हराउन नेपाल संघर्षरत

हाम्रा कुरा

प्रकाशित २०८० कार्तिक २९ बुधबार

काठमाडौँ । चार देशीय महिला टी–२० अन्तर्राष्ट्रिय क्रिकेट श्रृंखला आजबाट हङकङमा शुरु भएको छ । पहिलो खेलमा नेपालले तान्जानियासँग खेलिरहेको छ ।

वोङ नाइमा भइरहेको खेल जितका लागि नेपालले ११६ रनको चुनौती पछ्याइरहेको छ । तर नेपालले खराब शुरुआत गरेको छ । नेपालले ३ रन जोड्दा शुरुआती २ विकेट गुमाएसँगै दबाबमा छ ।

यसअघि पहिले ब्याटिङ गरेको तान्जानियाले ७ विकेटको क्षतिमा ११५ रन बनायो । आइसा मोहम्मदले सर्वाधिक २१ रन बनाएको इनिङ्समा संगीता राईले २ तथा पूजा महतो, रुबिना क्षेत्री र इन्दू बर्माले १–१ विकेट लिए ।