-
-
-
-
पोखरा । पोखरामा केपी ओली कप टी–२० क्रिकेट प्रतियोगिता शुरु भएको छ । मदन भण्डारी स्पोर्ट्स एकेडेमीको आयोजनामा पोखरा रंगशालास्थित क्रिकेट मैदानमा प्रतियोगिता आजदेखि शुरु भएको हो ।
प्रतियोगिताको एमाले अध्यक्ष केपी शर्मा ओलीले गरे । उनले ब्याटिङ र बलिङ दुवै गरेर प्रतियोगिताको उद्घाटन गरेका हुन् ।
प्रतियोगितामा ७ प्रदेशका ७ टिम, विभागीय टिमहरू नेपाल पुलिस, नेपाल आर्मी, एपीएफ र मदन भण्डारी स्पोर्टस एकेडेमीको २ गरी १२ टिमको सहभागिता रहेको छ ।
विजेताले ५ लाख, उपविजेताले २ लाख ५० हजार रुपैयाँ पुरस्कार जित्नेछन् । सर्वोत्कृष्ट खेलाडीले ३० हजार रुपैयाँ पाउने छन् । हरेक खेलका म्यान अफ द म्याचले ५ हजार रूपैयाँ प्राप्त गर्नेछन् ।
